آخر الأخبار

فيسبوكيون : إلياس العكاري خبير في التحفيز و التغيير الإيجابي و مؤطر للمقاولين يوجه رسالة مهمة للشباب المغربي

0

وجه إلياس العكاري خبير في التحفيز و التغيير الإيجابي و مؤطر للمقاولين رسالة بلهجة عامية من خلال صفحته الرسمية على منصة التواصل الإجتماعي فيسبوك للشباب المغاربة قال فيها :

لكل شاب مغربي وشابة مغربية👇👇

🔴خاصكم تعرفو بأن المغرب دولة عندها تاريخ وحاضر ومستقبل جد مشرف وعندو مكانة كبيرة في العالم مند قدم الزمان…

🔴المغرب ماعمرو ما تنازل على القيم والمبادىء ديالو ولا على أرضو ولا على الوطنية ديالو…

🔴بزااااااف ديال المغاربة ضحّاو بحياتهم وبأموالهم وبولادهم باش انت تعيش فيه بسلام وأمان وحتى شعب واحد آخر مايقدر يحكمك…

🔴المغرب عندو رجال ونساء أحرار وعندهم حب الوطن كيخدمو من قلبهم باش يطلعو القيمة ديال البلاد (علماء، تجار، رياضيين، فنانين… واللائحة طويـــــلة)…

🔴المغرب عندو ملك (الله ينصرو) خدام باش يزيد الصناعة والتجارة والاقتصاد إلى الأعلى ويرد المغرب قوة ضاربة في إفريقيا وفي أوروبا…

🔴المغرب ملي كتكون فيه كتحس بالأمان وكتحس براسك في دارك في أي مدينة مشيتي ليها…

🔴المغرب ملي كتهاجرو كتولي تخمم فيه كل دقيقة وكتوحشو والي تكلم ليك عليه خايب كتبغي تاكلو…

🔴المغرب على مدى التاريخ (ماشي عي دابا) حقق إنجازات وتحديات معمر شي دولة عربية اولا إفريقية قدرات تحققهم ( خير دليل نصف نهائي كأس العالم 2022)…

🔴واش في خبارك أن المملكة المغربية هي ثاني أقدم مملكة في العالم (12 قرن)…

🔴واش فخبارك أن في هاد المدة ديال اكثر من 1200 عام المغرب خاض عدة معارك، شي ربحناه وشي خسرناه ولكن ماعمرنا ماخسرنا حتى شي حرب…

🔴واش فخبارك أن المغرب أصبح يضاهي فرنسا في وجودها في الدول الافريقية (معضم البنوك في الدول الافريقية اصبحت مغربية)…

🔴واش فخبارك أن في المغرب كاين اسرع قطار وأقوى صبيب الانترنيت في الدول الافريقية…

🔴واش نزيدك اولا باراك؟؟؟

🟢لذلك أيها الشاب وأيتها الشابة بغيتك تطرح على راسك واحد السؤال: اشنو غادي تقدر دير باش تساعد بلادك في هاد النمو وهاد الإشعاع؟ باش تقدر تفيد بلادك وتخدم عليها باش تزيد للقدام؟ شنو هي القيمة المضافة الي غادي توفر لبلادك؟

🔵ملي تجاوب على هذه الاسئلة وعرفتي شنو هي مكانتك في هاد البلاد غادي تعيش مرتاح بما يرضي الله.

⚫️وإلا ملقيتيش أجوبة أولا مبغيتيش تلقى أجوبة —> فأنا كنصحك بالهجرة باش تخلي اولاد البلاد الشرفاء يخدمو على بلادهم حيث كيبغيوها وقادرين يموتو عليها إذا اقتضى الأمر .

كنضن أنك فهمتيني وتقدر تنتقدني في التعليقات ولكن أي حاجة غادي تقولها ماغاديش تزعزع ولا تنقص من حبي لهذه البلاد الشريفة الطاهرة.

أخوكم إلياس العكاري الذي دائماً يحبكم في الله

 

أضف تعليقا

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

سياسة الخصوصية وملفات تعريف الارتباط